طيفك والغياب

إذا ما طال غيابك

وهزتني اشواقى

نرسم ملامح وجهك

على لوحة  افكارى

ونحفها بالورد برواز

ويسرح القلب في خلوه جميلة معاك

ومن كثر شوقى

ترتجف الاشجار وتميل اغصانها

تسمع دقات قلب مشحونه بغلاك

ويصدق القلب انك معاى

والعقل حاس بغيابك

اذا ما طال بعدك

مع طيفك صارت مواعيدى

في مكان يفوح بعطرك

ونشعل قناديلى

ونسهرليلي

على انغام موسيقى هاديه

وبرقصه حنونه اراقصك

وتصدق ايديا إنك معاى

والعقل حاس ببعادك

اذا ما زادت عليه قسوتك

انت الوحيد بخيالى

ونبقى مع ذكرى بسمتك

والضحكه تداعب اسماعى

وميل راسى لهمستك

تهمس بكلمات الغلا

ونحس برعشة شفتك

كيف نسمات الهوى

وقطرات الندى

تسرى في جسمي رغبه لضمتك

ويصدق كيانى انك معاى

والعقل حاس بغيبة انفاسك

للكل كل الود